Të ardhurat në buxhet janë rritur këtë vit. Gjatë 10 muajve, të dhënat e Ministrisë së Financave tregojnë janë mbledhur 590 miliardë lekë.
Kjo shifër është 11% më e lartë se periudha janar-tetor 2023, dhe në vlerë janë 58 miliardë lekë më shumë.
Por nga ana tjetër, qeveria ka shpenzuar më pak se sa ka arritur të mbledhë.
Statistikat flasin për vetëm 517 miliardë lekë të shpenzuara për nevojat e ekonomisë gjatë dhjetëmujorit ose 72 miliardë lekë më pak se të ardhurat e mbledhura.
Dhe siç ka ndodhur edhe vitet e tjera, një pjesë e madhe e shpenzimeve lihet për në dhjetor. Gjatë muajit të ardhshëm, qeveria ka miratuar të ndajë 10.5 mld lekë, për shpërblimin e pensionistëve dhe rimbursimin e të vetë punësuarve.
Sipas Euronews.al, pjesa tjetër e parave, pritet të rishpërndahen në sektorë të tjerë të ekonomisë, ku bujqësia është një fushat që pritet të përfitojë.
