Mbrëmjen e së enjtes (26 tetor) ka nisur zyrtarisht edicioni i parë i Festivalit të Këngës në Radio Televizionin e Kosovës.
Ngjarja, e organizuar për herë të parë, është mbajtur te Pallati i Rinisë pas ndryshimeve që janë bërë.
Eventi madhështor filloi nga ora 21:00, ndërkohë para kësaj në tapet të kuq janë mirëpritur mysafirët e publiku.
Në natën e parë të këtij edicioni performuan disa nga emrat e njohur të muzikës, si: Klea Dina me “Trenat”, Mentor Mripa “Po ju rrëfehem”, Neki Emra “Heroi im”, Hilmi Obertinca “Pa ty s’më rrihet” Franc Koruni “Shqip” Ermal Demiri “Merr” Auron Deva “Çmimi i dashnisë” Ariela Krasniqi “Emri grua” La Fazani “Oj Kosovë”dhe Albin Nikprelaj me “Ajo”.
Në këtë natë një interpretim të veçantë bëri edhe artistja Dafina Zeqiri me projektin “Veç ti”.
Performanca e 34 vjeçares u vlerësua tejet shumë duke marrë komplimente të shumta për mënyrën se si këndoi.
Pas orës 23:00, filloi transmetimi i programit “Post Festival”, i cili vjen për dy netët e para dhe në ditën e diel në një kohë tjetër televizive si komentim i ngjarjes në formë paneli.
