Instituti i Shëndetit Publik ka njoftuar se sonte në Pejë janë paraqitur 18 raste të reja me koronavirus në Pejë.

Mirëpo drejtori i Shëndetësisë në Pejë, Petrit Loci, ka kontestuar këto shifra.

“Shifrat e IKSHP-së nuk pasqyrojnë realitetin në Komunën e Pejës për faktin se këto shifra nuk kanë dalë gjatë ditës së sotme por janë marrë pothuajse gjatë tërë javës së fundit, ka testime që janë bërë para pesë apo gjashtë ditëve dhe sonte kanë dalë rezultatet”, ka thënë ai në Rtv Dukagjini.

“Kjo tregon papërgjegjshmëri të IKSHP-së pasi po ngjallin panik dhe pasiguri tek qytetarët duke dalë një natë me 18 rezultate e një natë pa asnjë rezultat”, tha ai.

Loci thotë se këto veprime të IKSHPK-së janë të papranueshme për Komunën e Pejës si institucion, përcjell Telegrafi.

“Mund të llogaritet se çfarë paniku kanë ndjerë personat që u janë marrë mostrat para pesë ditëve e vetëm sonte iu ka dalë rezultati”, tha ndër të tjera Petrit Loci.