Kryetari i NISMA-s për Kosovën, Fatmir Limaj, ka komentuar vjedhjen e dy milionë eurove nga Thesari i Shtetit, raporton Front Online.

Dy milionë euro janë transferuar nga Thesari i Shtetit në llogarinë e një kompanie private me emrin LDA Group Shpk, në pronësi të Kadri e Valon Shalës.

I dyshuari për këtë skandal, Kadri Shala është raportuar në media se është anëtar i partisë së Fatmir Limaj, Nisma Socialdemokrate.

Për këto raportime, ka reaguar edhe Kryetari i NISMA-s për Kosovën, Fatmir Limaj.

Ai është shprehur se raportimet e mediave janë joprofesionale, dhe se nuk ka rëndësi se nga cilat përkatësi politike janë të akuzuarit.

“Raportimi  është i pakuptimtë dhe joprofesional. Ne nuk duhet të trajtojmë se është antarë i PDK-së, LDK-së apo Nismas. Ai duhet të ndiqet sipas ligjit. Unë nuk e di se kush është ai”, tha ai në Rubikon./Front Online