×
  • Lajme
  • Lajme

    Limaj: Kosova është në situatë të keqe dhe konfuze

    FrontOnline
    02 Prill 2024

    Kryetari i Nismës Socialdemokrate Fatmir Limaj tha në “RTK Prime” se zhvillimi i Kosovës është ndalur dhe se për tri vite vendi ka pësuar shumë humbje në të gjitha dikasteret.

    Duke e quajtur qeverinë Kurti të dështuar, Limaj tha se këto janë edhe arsyet se pse po diskutohet mbajtja e zgjedhjeve.

    “Kosova është ndalur, tash e tri vite vendi ynë është ndalur. Kemi humbur shumë, vështirë është me u kompensu humbja e kësaj kohë për këto vite në të gjitha dikasteret. Ne kemi humbur në planin ekonomik, social, politik, në reforma, në diplomaci, vendi ynë tash e tri vite ka stagnuar tërësisht”, deklaroi Limaj.

    Duke folur për veriun e vendit, Limaj tha se qeveria ka bërë një dramë e cila sipas tij Kosovës i ka kushtuar me gjak, sakrificë, mund, shpenzime, trauma e kosto në arenën ndërkombëtare, dhe në fund ai thotë se po kthehet gjendja e mëpërshme.

    Ai thotë se Kosova është në situatë të keqe dhe konfuze.

    “Ju do ta shihni pas këtyre zgjedhjeve ajo pjesë ka me qenë shumë më keq se ç’ka qenë deri më tani”, tha Limaj teksa foli për veriun e vendit.

    Duke komentuar deklaratat se në letrën e dërguar raportueses për Kosovën, Dora Bakoyannis, një nga kushtet për anëtarësimin e Kosovës në Këshillin e Evropës është Asociacioni, Fatmir Limaj tha se kryeministri Kurti e ka reduktuar çështjen e Asociacionit që dikur ishte kusht për njohje me Serbinë, e ka reduktuar në anëtarësim në Këshill të Evropës.

    “Dikur Asociacioni ishte një nga kushtet e njohjes reciproke. Keta njërëz çka kanë bërë? Tre njerëzit kryesor të vendit kanë ardhë deri aty sa me reduktu ambicien tonë, sa me shkëmby për anëtarësim në Këshill të Evropës. Do të kishte kuptim zotimit të Asociacionit ajo letër, sikur të ishtë dhënë për anëtarësim në NATO, ose edhe të njohjes së pesë vendeve, ama me shku me reduktu punën deri aty sa Asociacionin e shet për anëtarësim në KiE, tregon debakël”, tha ai.

    Lidhur me raportet e kryeministrit Kurti me partnerët ndërkombëtar, Limaj tha se Kurti nuk ka bërë asnjë rezistencë në thelb të asnjë kërkese të Brukselit dhe se përceptimi i jashtëm se kryeministri po reziston, është gabim.

    “Të gjitha i ka pranuar, dallimi është se i ka pranuar gjoja me njëfar rezistence. I ka prishë marrëdhëniet me partnerët dhe i ka pranuar. Gabim është përceptimi jashtë. Ky ka pranu marrëveshje pa negociim”, deklaroi kreu i NISMA-s.

    Kryetari i Nismës Socialdemokrate mes tjerash ka thënë se ky vit është vit i zgjedhjeve në Kosovë dhe se për këtë, qeveria duhet të jep dorëheqje. Ai potencoi se nuk ka nevojë të shkohet në zgjedhje të jashtëzakonshme sepse vendi është në vit zgjedhor./RTK

    Cilësi, gatim dhe shpërblim
    Nga Rubrika
    Lajme18 Prill 2024
    Presidentja e Republikës së Kosovës, Vjosa Osmani, është nderuar nga Fondacioni Pan-Evropian Richard Coudenhove-Kalergi me Çmimin e Evropës për përkushtimin e saj...
    Lajme18 Prill 2024
    Ministri i Punëve të Brendshme, Xhelal Sveçla ka bërë të ditur se zëvendësdrejtori i Policisë së Kosovës, Dejan Jankoviq është dërguar në...
    Lajme18 Prill 2024
    Ambasadori i Shteteve të Bashkuara të Amerikës Jeffrey Hovenier, ka zhvilluar një takim me presidenten e Kosovës Vjosa Osmani. Temë e diskutimit...
    Të tjera
    Lajme18 Prill 2024
    Një autobus me udhëtarë i kompanisë Bici Com, në orët e hershme të mëngjesit të së enjtes, ka arritur në Kosovë nga...
    Bota/Rajoni18 Prill 2024
    Ministrat e Jashtëm të G7-së po takohen për të diskutuar luftërat në Lindjen e Mesme dhe Ukrainën në ishullin italian të Capri....
    Lajme18 Prill 2024
    Komuna e Lipjanit, ka mbajtur akademi përkujtimore me rastin e 25-vjetorit të rënies së dëshmorëve dhe martirëve të kësaj komune, me ç’rast...
    Sport18 Prill 2024
    Andriy Lunin dikur ishte portieri i tretë i Real Madridit. Por, ukrainasi punoi fort dhe nuk u dorëzua asnjëherë për të arritur...
    Sport18 Prill 2024
    Falë paraqitjeve tejet të mira nën drejtimin e skuadrës së Romës, drejtuesit e klubit kanë vendosur ta mbajnë edhe më gjatë trajnerin...
    Vip18 Prill 2024
    Mesazhe të bukura dhe pozitive nga fansat,kanë lumturuar sot banorët e BBVIP. Heidi ishte një prej tyre. Njëri prej fansave të saj,...

    FrontOnline, © 2024 Të gjitha të drejtat e rezervuara.