Trajneri i Lille, Paulo Fonseca, në një konferencë për shtyp ka njoftuar se Edon Zhegrova do të mungojë në ndeshjen e dytë çerekfinale ndaj Aston Villas në Ligën e Konferencës.
Zhegrova ka pësuar dëmtim në kyçin e këmbës së majt në sfidën e parë në Angli, ku si pasojë do të mungojë në takimin e së enjtes.
Sulmuesi kosovar është duke kaluar në një formë fantastike sidomos në kampionatin francez, duke realizuar pesë gola dhe duke asistuar pesë të tjerë.
Ai, me performancat e treguara është shpallur lojtari i muajit mars.
Fonseca pret që Zhegrova do të rikthehet për ndeshjen në vikend.