Vedat Muriqi ka pësuar një lëndim muskulor gjatë stërvitjeve me skuadrën e Mallorcas, një lajm që ka shqetësuar fansat dhe ekipin.

Sipas raportimeve nga mediat spanjolle, “Pirati” pritet të qëndrojë jashtë fushave për një periudhë prej 3-4 javësh, gjë që do të ketë ndikim të ndjeshëm në përformancën e tij dhe të ekipit.

Gazeta “Marca” ka theksuar se Muriqi ka pësuar një lëndim të rëndë në kërdhokullën e tij, duke e bërë të pamundur pjesëmarrjen e tij në ndeshjen e planifikuar për të hënën ndaj Real Betisit.

Kjo do të thotë se ai do të mungojë gjithashtu edhe në disa ndeshje të tjera të rëndësishme në La Liga, çka ndikon jo vetëm në ekipin e tij, por edhe në strategjitë e trajnerit.

Një shqetësim i madh është gjithashtu mungesa e tij për ndeshjet e ardhshme të kombëtares së Kosovës në Ligën e Kombeve, ku ai mund të humbasë dy sfidat e muajit tetor kundër Lituanisë dhe Qipros.

Muriqi është një nga lojtarët kyç për Kosovën dhe mungesa e tij do të ndikojë në përpjekjet e ekipit për të siguruar rezultatet e dëshiruara.

Sulmuesi dradan ka treguar gjithmonë se është një lojtar i rëndësishëm dhe me përvojë, dhe prania e tij në fushë është e paçmuar për çdo ekip ku luan. /Telegrafi/