Kryetari i LDK-së, Isa Mustafa, nuk ka pasur nevojë të testohet për COVID-19, është thënë nga Lidhja Demokratike e Kosovës.
Zyrtarja e LDK-së, Gentiana Azemi, ka deklaruar se ai ndjehet mirë.
“Ju njoftoj që kryetari i LDK-së, Isa Mustafa ndihet mirë me shëndet nuk ka asnjë problem, prandaj nuk ka pasur nevojë për ta bërë testin”, ka bërë të ditur ajo për KOHËN.
Shefi i grupit parlamentar të LDK-së, Arben Gashi kishte treguar të dielen, përmes një statusi në Facebook se ai dhe familja e tij kishin rezultuar pozitivë.
Azemi ndërkaq ka thënë se kur janë në pyetje deputetët, nuk dihet se kush e ka bërë testin, e kush jo.
