Lidhja Demokratike e Kosovës ka dënuar ashpër sulmet e protestuesve ndaj forcave të KFOR-it, gazetarëve dhe objekteve të institucioneve të Republikës së Kosovës në veri të vendit.

Ata me anë të një reagimi thanë se sulmet e tilla të dhunshme dhe të paprovokuara nuk kanë vend në shtetet demokratike dhe duhet të ndalen menjëherë.

LDK-ja potencoi se koordimi me ndërkombëtarët është jetik, teksa institutucionet e Kosovës të sigurohen që asnjë veprim të mos bëhet pa koordinim të ngushtë me ta.

“Veprimet e matura politike janë të domosdoshme për të evituar çfarëdo përshkallëzimi të mëtutjeshëm të situatës e deri në shtensionimin e plotë të gjendjes, teksa institucionet e rendit dhe ligjit të sjellin të gjithë kryerësit e sulmeve të tilla para drejtësisë”, thuhet në reagim.