Sot në Serbi ka arritur Ministri i Punëve të Jashtme të Rusisë, Sergei Lavrov. Kryediplomatin rus në aeroport e ka pritur Ivica Daçiq bashkë me ambasadorin Aleksander Bocan-Kharchenko.
Me të zbritur nga aeroplani, Lavrovin në fund të shkallëve e ka pritur, Ivica Daçiq, i cili nuk po mbante fare maskë.
Një gjë e tillë i kishte rënë në sy edhe Lavrovit i cili para se të përshëndetej me Daçiqin e ka pyetur këtë të fundit se ku e ke maskën.
Megjithatë kryediplomati serb një pyetje të tillë të Lavrov e ka tejkaluar me një buzëqeshje dhe i është hedhur në përqafim politikanit rus.
Pas Daçiqit, Lavrov është takuar edhe me presidentin e Serbisë, Aleksander Vuçiq.
Kjo vizitë e Lavrov i paraprinë udhëtimit të Vuçiqit për në Moskë dhe Washington.
