Kryeministri i Kosovës, Albin Kurti gjatë konferencës së jashtëzakonshme, ka gjetur kohë për të goditur mediat. Kurti ka kërkuar nga qytetarët që mos të lexohen disa portale, duke i quajtur pjesë e luftës hibride.

“Situata si kjo shpesh janë edhe cak i fushatave të dizenformtave dhe keqinformimit të qëllimshëm, andaj ju ftojë që të jenë të vëmëndshëm ndaj lajmeve që i shihni, lexoni dhe dëgjoni, dhe të përcillni udhëzimet dhe njoftimet e institucioneve përmes kanaleve zyrtare.” – ka thënë ai fillimisht.

“Ju bëjë thirrje qytetarëve që të refuzojnë të informohen nga disa portale që ata i njohin shumë mirë, e që fatkeqësisht ndonjëra më shumë e ndonjëra më pak janë bërë pjesë e një lufte hibride kundër Republikës së Kosovës, popullit të Kosovës dhe Kombit Shqiptarë. Është e domosdoshme që qytetarët të refuzojnë të mendojnë që disa opinionist e disa opozitarë të cilët i gëzohen, dikush në mënyrë direkte e dikush në mënyrë indirekte asaj çfarë ndodhi sonte. Pra duhet ta mbrojmë vendin tonë dhe kjo bëhet duke e dashur vendin tonë.” – ka thënë Kurti ndër të tjera.