Ndeshjet e fazës së 1/8 së finales në Kupën Carabao në Angli fillojnë sonte me tri përballjet e para.
Arsenali dhe Chelsea do të kenë punë në shtëpi, shkruan FrontOnline.
“Topçinjtë” do të sfidohen për biletën e çerekfinales nga skuadra elitare, Leeds Unitedi.
Londinezët kanë ardhur në këtë fazë falë fitores 3-0 kundër Ëimbledonit, ndërkohë Leeds vjen pas fitores të mundimshme 0-1 ndaj Fulham.
Lideri i Premierligës, Chelsea është “zot shtëpie” në takimin kundër Southamptonit.
“Blutë” duan gjithë trofetë e mundshëm këtë edicion, andaj duan ta përfundojnë kalimin tutje brenda 90 minutave.
Të besuarit e Thomas Tuchel mposhtën Aston Villën për të ardhur deri në këtë fazë, kurse Southamptoni triumfoi te Sheffield Unitedi.
Ballafaqimi tjetër në program është ajo mes QPR-s dhe Sunderlandit.
Të gjitha takimet fillojnë nga orari i njëjtë, 20:45./FrontOnline/