Partia Socialdemokrate ka mbajtur sot një aktivitet para Qeverisë së Kosovës.

Qëllimi i këtij aksioni ishte si reagim ndaj 60 milionshit që e ka ndarë Qeveria Hoti dhe për 10% pensional, shkruan Front Online.

Në këtë aksion u vendosen postera në ndërtesën e Qeverisë në pakënaqësi të Fondit të Trustit me mbishkrime “80 % kontribuuesve”. ‘Marrin më shumë se 1700 euro’, ‘6% kontribuesve’, ‘2.7% milion euro përfitojnë gratë’,’57.3 milionë i përfitojnë burrat’.

Ndërsa, në një deklaratë për media, aktivisti i PSD ‘së ,Dren Kukaj ka thënë së pakoja prej 60 milion euro që e ka ndarë Qeveria Hoti nuk i është ndarë punëtorëve, por bizneseve.

“Javën  e kaluar u tha që 60 milion euro do të ndahen për punëtorët. Ato para nuk i morën punëtorët, shkuan për bizneset”, deklaroj Kukaj.

Tutje, ai u shpreh se ndarja e këtyre fondeve tregon pabarazi tek punëtorët të cilët kanë të drejtë të tërheqin këto të holla.

“Trajtimi që është bërë përmes këtij subvencioni vetëm se po e thellon pabarazinë që tashmë ekziston. Mesatarisht një biznes i vogël po i merr 800 euro, ndërsa një biznes i madh po i merr 200 mijë euro.

Efektet e 10% të trusit penisional janë të kufizuara, për shkak se  80% të kontribut dhënësve do të marrin rreth 110 euro në muaj që është shumë më pak se paga minimale në Kosovë, përveç 6 % do të arrijnë të marrin mbi 1700 euro”, ka thënë ai.