Policia e Kosovës ka njoftuar për një rast të mosrespektimit të vendimit të Qeverisë së Kosovës, për grumbullimin e më shumë se 5 personave, raporton Front Online.

Sipas policisë, në Rahovec është organizuar një aheng, e ku pas intervenimit nga ta njerëzit janë shpërndare dhe i dyshuari për organizimin e ahengut, pas intervistimit nga prokurori është liruar në procedurë të rregullt.

Njoftimi i plotë:

Rahovec 17.08.2020-23:50. Është raportuar se në shtëpinë e të dyshuarit mashkull kosovar gjatë një ahengu janë hasur disa persona të cilët nuk e kanë respektuar vendimin e lëshuar nga Qeveria. Të gjithë personat janë shpërndarë, ndërsa i dyshuari pas intervistimit në konsultim me prokurorin është liruar në procedurë të rregullt.

Poashtu edhe në Pejë është arrestuar një person pas organizimit të një ahengu me 15 persona të pranishëm.

Njoftimi i plotë:

Pejë 16.08.2020-22:30. Është raportuar se në shtëpinë e të dyshuarit mashkull kosovar gjatë një ahengu janë takuar rreth 15 të pranishëm të cilët nuk e kanë respektuar vendimin lëshuar nga Qeveria. Me vendim të prokurorit është inicuar rast në procedurë të rregullt. /Front Online