Pas tri ndeshjeve të zhvilluara në muajin mars – ndaj Lituanisë, Suedisë dhe Spanjë – Përfaqësuesja e Kosovës do të rikthehet në fushën e gjelbër gjatë muajit qershor.

Por, kësaj radhe, do të zhvillojë vetëm dy ndeshje miqësore, shkruan FrontOnline.

Në bazë të orarit të UEFA-së, “Dardanët” do t’i “masin forcat” ndaj dy kundërshtarëve, emrat e të cilëve ende nuk po dihen dhe nuk janë të konfirmuar.

San Marino, Italia dhe Maqedonia e Veriut janë përmendur si kundërshtarë potencialë të Kosovës për muajin mars, por e gjithë kjo mbetet vetëm spekulim.

Menaxheri i Përfaqësueses së Kosovës, Bajram Shala në një prononcim për FrontOnline ka thënë se janë në bisedime me tre apo katër kombëtare.

“Jemi në bisedime me tre apo katër kombëtare, por ende nuk ka diçka zyrtare. Besoj se deri në fund të javës do të kemi konfirmimin dhe do ta bëjmë zyrtare”, ka deklaruar të hënën Bajram Shala.

I pyetur nëse San Marino, Italia apo Maqedonia e Veriut do të jenë kundërshtarë të mundshëm të Kosovës në qershor, Shala tha:

“Nuk mund të përmend emra përderisa nuk e kemi një konfirmim zyrtar. Do të luhen vetëm dy ndeshje”.

Ndryshe, në muajin mars, “Dardanët” pësuan humbje nga Suedia (0:4) dhe Spanja (3:1) në eliminatoret e Kupës së Botës “Katar 2022”, derisa miqësoren ndaj Lituanisë e fituan me rezultat 4:0./FrontOnline/