Zëvendëskryeministri Besnik Bislimi dhe ambasadori i BE-së në Kosovë, Tomas Szunyog, kanë nënshkruar marrëveshjen financiare ndërmjet Kosovës dhe Bashkimit Evropian për programin vjetor IPA 2022.
Zëvendëskryeministri Besnik Bislimi me këtë rast derisa foli për rëndësinë e marrëveshjes tha se presin që e njëjta të procedohet sa më shpejtë, raporton RTKlive.
“Brenda një periudhe shumë të shkurt kjo është marrëveshja e tretë që po e nënshkruajmë në kudër të IPA 3. Javën e kaluar pranuam pagesën e parë nga BE për IPA 2023. Po ashtu projektet e IPA 2021 janë në fazën kontraktuale nga BE. Presim zbatim të shpejtë dhe të suksesshëm të tyre.
Përveç fondeve të ofruara nga BE projektet do të bashkëfinanciohen edhe nga buxheti jonë dhe nga partnerë tjerë bilateral. Presim që marrëveshja të procedohet sa më shpejtë dhe të hyjë në fuqi”, tha ai.
