Kryetari I ri i Kuvendit të Kosovës, Glauk Konjufca njëherësh U.D i Presidentit, ka kërkuar nga fituesi I zgjedhjeve të 14 shkurtit, Lëvizja Vetëvendosje që të dërgoj emrin e mandatarit për kryeministër të vendit.

Njoftimi i plotë nga zyra e prresidencës:

U.d. Presidenti i Kosovës, Glauk Konjuca, duke u mbështetur në nenet 84 (14) dhe 95 (1) të Kushtetutës së Republikës së Kosovës, nëpërmjet një letre drejtuar kryetarit të Lëvizjes Vetëvendosje, z.Albin Kurti ka kërkuar që ky subjekt fitues i zgjedhjeve të 14 shkurtit ta propozoj mandatarin për Kryeministër.

Në letër, u.d. Presidenti Konjufca, duke iu referuar dispozitave kushtetuese dhe njoftimit të KQZ-së për certifikimin e rezultateve të zgjedhjeve të 14 shkurtit, ka theksuar se Lëvizja Vetëvendosje ka fituar shumicën e nevojshme në Kuvend për ta krijuar Qeverinë e re.