Zyra Kombëtare e Auditimit ka gjetur se komuna e Pejës së paku në dy raste ka realizuar investime publike në parcela të pa shpronësuara, raporton “Front Online”.

“Komuna në dy raste investimet publike përkatësisht asfaltimin e rrugëve e kishte realizuar në prona private të pa shpronësuara. Komuna përpos që në raste të caktuar kishte marrë pëlqim jo formal nga pronarët e tokave për të realizuar investimin, nuk kishte ndërmarrë asnjë procedurë ligjore që pronat në të cilat po kryhen investimet të kthehen në pasuri të komunës sikur edhe parashihet me ligjet në fuqi. Sipas zyrtarëve të komunës nëse do të zhvilloheshin procedura të shpronësimit do të pamundësohej realizimi i investimeve për shkak të dinamikes në procedurat e shpronësimit dhe se kanë marrë pëlqimin e banorëve për kryerjen e punëve në pronat e tyre” raporton “Front Online”.

Sipas ZKA-së realizimi i projekteve të tilla rrit rrezikun që komuna të përballet me padi në të ardhmen nga pronarët e parcelave, ku përveç kompensimit të shpronësimit do të shkaktohen edhe shpenzime tjera shtesë.

“Kryetari duhet të sigurojë se bëhet shpronësimi i pronave private para investimit/ndërtimit të rrugëve dhe kjo të trajtohet në bazë të dispozitave ligjore para inicimit të tenderimit për ekzekutim të projekteve kapitale – ndërtim/zgjerim të rrugëve” raporton “Front Online”.