Profesori kinez, që e kritikoi Kinën rreth mënyrës së menaxhimit të krizës pandemike, është burgosur të hënën.
Xu Zhangrun, që kishte qenë në arrest shtëpiak, është marrë prej shtëpisë së tij në Pekin, qysh në mëngjes, kanë bërë të ditur miqtë e tij.
Liria e shprehjes është e kontrolluar në mënyrë strikte në Kinë dhe ata që shprehen kundër autoriteteve rrezikojnë arrestimin dhe dënimin me burg, shkruan BBC, raporton KOHA.
Zhangrun, profesor i drejtësisë, më herët e kishte kritikuar liderin aktual të Kinës, Xi Jinping.
