Deputetja e Lidhjes Demokratike të Kosovës, Doarsa Kica-Xhelili u ka kujtuar pushtetit se qytetarët do t’i dënojnë në zgjedhjet e ardhshme.

Kica-Xhelili thotë se pushteti që po shet moral sot ‘kanë mbrojtur krimet që po i bëjnë me Martinat, Nagipat, BRAQAT e Mimozës matanë kufiri me Naserat që lëvizin lirshëm lart e poshtë Serbisë? Këta që vjedhin në miell e vaj e bukë ushtari?’.

KËTA, që paturpësisht mbrojnë krimet që po i bëjnë me Martinat, Nagipat, BRAQAT e Mimozës matanë kufiri me Naserat që lëvizin lirshëm lart e poshtë Serbisë? Këta që vjedhin në miell e vaj e bukë ushtari?

Këta, që i vjedhin shtetit milionët për t’ua falë ambalazhuesve të ujit? Që nënshkruajnë fshehtas tenderë?

Këta, që një kërkushi nga Tirana i japin autorizime të ndal e lëshojë rrymën? E të përcaktojë kush ku punësohet?

Mbani mend: Ky popull, më fuqishëm se gjithçka tjetër, DËNON.

Llojin e këtyre e njohim. Këtë sjellje prej prepotenti pushtetplotë për besë ky popull nuk e falë. Jemi shumë, ama shumë krenarë për të toleruar kapadai të tillë që verbohen nga pushteti, dhe shohin veten mbi Zot e Atdhe!

Koha jonë po vjen! E bashkë me të, qetësia kolektive e një shoqërie që nuk ndjen ekzaltim në ofendimet që këta i kanë ushqim.

E këta do të fundosen pikërisht në ofendimet që ja bëjnë mbarë shoqërisë, të mpiksur nga dalldia e arrogancës.