Sport

Kaq vota mori ish-basketbollisti i mirënjohur si kandidat për asamblist nga radhët e LVV-së

Kaq vota mori ish-basketbollisti i mirënjohur si kandidat për asamblist nga radhët e LVV-së
09:55 | 20 Tetor 2021

Disa muaj pas pensionimit nga basketbolli, më saktë në shtator të këtij viti, ish- basketbollisti Edmond Azemi kishte aderuar në partinë politike Vetëvendosje, shkruan FrontOnline.

Azemi ishte edhe në listën e 55 emrave për asamblistë nga radhët e e LVV-së në Prishtinë për zgjedhjet komunale.

Nga rezultatet preleminare, gjegjësisht pa u numëruar votat me kusht dhe ato nga diaspora, Azemi ka marrë 503 vota që nënkupton se pritet ta përfaqesojë Lëvizjen Vetëvendosje në Kuvendin Komunal të Prishtinës

Ndryshe, Edmond Azemi është njëri nga basketbollistët me të trofeshëm në vendin tonë ku gjithsej ka fituar 36 trofe, 12 herë Superligën e Kosovë, 14 Kupën e Kosovës, 2 Ballkan Ligën dhe 1 herë kampion i Islandës.

Ikona e Prishtinës përveç përfaqësueses së Kosovës ka mbrojtur edhe ngjyrat e Kroacisë dhe Shqipërisë.

Ndërsa pas pensionimit të tij Azemi është emëruar drejtor gjeneral i Prishtinës./FrontOnline/

EKSKULZIVE: Art Motion dhe Klan Kosova fitojnë të drejtën televizive të Superligës, Ligës së parë si dhe Kupës së Kosovës 

Të tjera