Reperi Kanye West ende mban unazën e martesës në gishtin e tij, edhe pse martesa e tij me yllin televiziv Kim Kardashian ka dështuar. Kim bëri kërkesë për divorc dy muaj më parë, dhe Kanye nuk është shfaqur tepër në publik që prej asaj kohe. Tani DJ Khaled ka postuar një foto të Kanye, dhe shihet që reperi ka ende unazën në dorë. Ndërsa ai ende e ka unazën, Kim tashmë e ka harruar dhe është në lidhje të re dashurie.
“Histori e vërtetë: Kanye erdhi në shtëpinë time në 8 të mëngjesit. Unë as që e dija se ai do të vinte. Shefja Melissa Zuniga i bëri vezë me ketchup dhe proshutë vegane”, shkruajti DJ Khaled krahas fotos. Edhe pse divorci i tyre nuk është finalizuar ende, në internet po qarkullojnë zëra se Kim është në një lidhje me reporterin 52-vjeçar Van Jones. Ekipi i saj i mohoi thashethemet./FrontOnline/
