Ylli ka shënuar fitore ndaj Bashkimit në udhëtim me rezultat 71:76 (22:16, 10:22, 15:14, 24:24), në kuadër të javës së nëntë në Superligën e Kosovës në basketboll.

Vendasit e nisën më mirë ndeshjen, duke pasur epërsi deri në tetë pikë në çerekun e parë 18:10 dhe 22:14, derisa kjo pjesë përfundoi me shifrat 22:16, përcjell FrontOnline.

Prizrenasit kishin epërsi deri në dhjetë pikë, 31:21, por therandasit kundërpërgjigjen shpejt, duke shkrirë epërsinë dhe barazuar shifrat në 31:31, ndërsa shkuan në pushim me shifrat 32:38.

Periudha e tretë ishte tërësisht e barabartë, ndërsa epërsia më e lartë ishte 42:50, kurse rezultati në semafor pas 30 minutash ishte 47:52.

Lojë interesante u zhvillua në 10 minutat e fundit, ku një minutë nga fundi rezultati ishte 65:67, por në çastet vendimtare kampionët e Kosovës ishin më të vëmendshëm dhe triumfuan me shifrat 71:76.

Te Bashkimi u dallua Immanuel King me 18 pikë e 12 kërcime, kurse te Golden Eagle Ylli u dalluan Gëzim Morina me 22 pikë e tri kërcime dhe Brandon Radolph me 15 pikë e dhjetë kërcime.

Bashkimi ka pesë fitore dhe katër humbje, kurse Ylli gjashtë fitore dhe katër humbje./FrontOnline/