Ambasada e Japonisë në Kosovë ka dhuruar një kaminotë në vlerë 69 mijë e 500 euro për njësinë e zjarrfikësve në Suharkë, shkruan Gazeta Sinjali.

Kjo u bë e ditur nga kryetari i Komunës së Suharkës, Bali Muharremaj, i cili tha se ky donacion është dhuruar falë bashkëpunimit dhe performancës së kësaj komune.

“69.500 euro është vlera e kamionetës që sot u dhurua nga Ambasada Japoneze në Republikën e Kosovës, për Njësinë e Zjarrëfikësve në Suharekë. Ky donacion dhurohet falë bashkëpunimit dhe performancës së mirë të Komunës së Suharekës”, ka shkuar Muharremaj në Facebook.

I pari i Suharekës tha se janë falënderuar dhe mirënjohës për kontributin e Ambasadës Japoneze dhe Popullit Japonez.