×
  • Lajme
  • Tenderët
  • Lajme

    Ja aneks kontratat mbi 4 milionëshe për autostradën e Gjilanit (dokument)

    FrontOnline
    31 Janar 2020

    Janë katër aneks kontrata me vlerë prej rreth 5 milionë eurosh, të cilat Ministria e Infrastrukturës (MI) i ka nënshkruar me katër kompanitë të cilat janë të kontraktuara për ndërtimin e autostradës së Gjilanit. Lëvizja ‘Fol’ ka akuzuar Ministrinë e Infrastrukturës se në mënyrë joligjore ka nënshkruar katër aneks-kontrata me operatorë ekonomikë në vlerë mbi 4 milionë euro për ndërtimin e autostradës Prishtinë-Gjilan-Dheu i Bardhë, ndërsa i ka bërë thirrje edhe Prokurorisë Speciale që të fillojë hetimet lidhur me projektin.

     

     

     

    “Front Online” ka arritur të siguroj të gjitha aneks kontratat e nënshkruara e në të cilat parashihet të kryhen punë të cilat është dashur të parashikohen me kohë.
    Në një konferencë për media, koordinatori i projektit nga Lëvizja ‘Fol’ Elbasan Racaj tha se aneks-kontratat janë nënshkruar pas dorëheqjes së kryeministrit Ramush Haradinaj.
    Sipas tij, kjo autostradë e paparaparë me plan financiar, e cila që nga fillimi është përcjellë me shumë parregullsi, po i kushton buxhetit të Kosovës mbi 88 milionë euro.

     

     

     


    “Lëvizja ‘Fol’ e ka bërë monitorimin e të gjithë procesit të ndërtimit të auto-udhës Prishtinë-Gjilan-Dheu i Bardhë, e cila që nga fillimi është përcjellë me shumë parregullsi dhe i cili buxhetit të Kosovës i ka kushtuar mbi 88 milionë euro. Nga monitorimi që ka bërë Lëvizja ‘Fol’ kemi hasur në 4 aneks-kontrata që Ministria e Infrastrukturës ka nënshkruar me 4 operatorë ekonomikë, të cilët ishin ndër fituesit e tenderit për ndërtimin e 22 kilometrave të kësaj auto-udhe. Gjatë vitit 2019, kjo auto-udhë e paplanifikuar financiarisht pra e paparaparë me plan të prokurimit për vitin 2018, po i kushton buxhetit të shtetit 93 milionë euro.

     

     

     

     

    Nga kontratat përmes procedurës me negocim pa publikim për njoftim të kontratës kanë nënshkruar aneks-kontrata ‘Graniti’ mbi 1. 8 milion, kompania ‘Eskavatori’ mbi 1 milion e 700 mijë euro, ‘Gjoka konstrucion’ 438 mijë euro dhe ‘Al Trade Holding’ me shumën pr ej 372 mijë euro. Ajo që është shqetësuese është që tri nga këto aneks-kontrata janë nënshkruar pas dorëheqjes së kryeministrit Haradinaj”, tha Racaj.

    Lëvizja ‘Fol’ kërkon nga Ministria e Infrastrukturës të sqarojë se në çfarë baze i ka nënshkruar këto aneks-kontrata, teksa i bën thirrje edhe Prokurorisë që të fillojë hetimet lidhur me projektin.

     

     

    “Andaj ne si Lëvizje ‘Fol’ kërkojmë nga Ministria e Infrastrukturës si autoritet kontraktues të sqarojë se në çfarë baze të vlerësimit ka nënshkruar këto aneks- kontrata me operatorët ekonomikë të lartpërmendur, kur mungon ky plan i menaxhimit të kontratës. Punët dhe shërbimet shtesë përmes këtyre aneks- kontratave i kanë kushtuar buxhetit të shtetit tashmë plus 4 milionë e 397 mijë euro. Ne në këtë rast kërkojmë nga Prokuroria Speciale të tregojë se në çfarë pike kanë arritur hetimet në ndërtimin e auto udhës Prishtinë-Gjilan-Dheu i Bardhë. Gjithashtu, ‘Fol’ mirëpret pezullimin e tenderit prej 110 milionë euro për vazhdimin e ndërtimit të kësaj auto udhe në një kohë kur vendi ende nuk ka buxhet të miratuar për këtë vit dhe nuk kemi mjete për vazhdimin e kësaj auto udhe”, u shpreh ai. / Front Online /

    Petrol Company hap komunitet në Viber për klientët e saj
    Nga Rubrika
    Lajme18 Qershor 2024
    Presidentja e Kosovës, Vjosa Osmani, ka shkruar në platformën X”, për shtatoren e ngritur për Leotrim Ahmetin në Skenderaj, 7-vjeçari që u...
    Lajme18 Qershor 2024
    Profesori i Universitetit Johns Hopkins në Washington, Edward P. Joseph ka folur për insistimin e Kryeministrit Albin Kurti për një draft -statut...
    Lajme18 Qershor 2024
    Ministrja e Punëve të Jashtme dhe Diasporës, Donika Gërvalla, e ka mohuar se ka një përçarje të raporteve me presidenten e vendit,...
    Të tjera
    Bota/Rajoni18 Qershor 2024
    Një zjarr masiv ka përfshirë kullotat e fshatit Mashkullorë të Gjirokastrës. Fillimisht zjarri është shfaqur rreth orës 13.00 në malet e kësaj...
    Sport18 Qershor 2024
    Cristiano Ronaldo ka thyer një rekord pa e goditur ende topin për Portugalinë në Euro 2024 – por ka humbur një tjetër....
    Lajme18 Qershor 2024
    I dërguari i Bashkimit Evropian për dialogun Kosovë-Serbi, Mirosllav Lajçak, ka thënë të martën se dy vendet duhet të bëjnë hapa për...
    Vip18 Qershor 2024
    Ledion Liço ka dhënë mbrëmjen e djeshme (e diel) një intervistë personale në Top Channel. Ai është kthyer pas në kohë duke...
    Bota/Rajoni18 Qershor 2024
    Ministria e Jashtme gjermane po përshpejton me shpejtësi procedurat e vizave për punëtorët e kualifikuar të nevojshëm për ekonominë, tha Ministrja e...
    Bota/Rajoni18 Qershor 2024
    Ministri i Brendshëm Taulant Balla u takua në Bernë, me ministrin e Drejtësisë dhe Policisë të Zvicrës, Beat Jans, me të cilin...

    FrontOnline, © 2024 Të gjitha të drejtat e rezervuara.