×
  • Bota/Rajoni
  • Bota/Rajoni

    Italia largohet prej iniciativës kineze Brezi dhe Rruga

    FrontOnline
    06 Dhjetor 2023

    Italia do të largohet prej Iniciativës kineze Brezi dhe Rruga, ka konfirmuar Qeveria e këtij shteti.

    Administrata e kryeministres italiane, Giorgia Meloni e ka njoftuar Pekinin që do t’i japë fund pjesëmarrjes në iniciativë.

    Italia ka qenë vendi i vetëm i madh i Perëndimit që ka qenë pjesë e iniciativës qysh prej vitit 2019, një prej projekteve më ambicioze të Kinës në fushën e tregtisë dhe infrastrukturës.

    Ky vendim ishte kritikuar prej Shteteve të Bashkuara dhe disa vendeve tjera.

    E lansuar nga presidenti kinez, Xi Jinping, më 2013, Brezi dhe Rruga synon investim në vlerë të 1 trilion dollarëve përreth Azisë dhe Evropës.

    Në projekte përfshihen hekurudha të reja dhe porte detare, me qëllim të lidhjes së Evropës me Kinën dhe me pjesë tjera të Azisë.

    Mirëpo, iniciativa është kritikuar prej fillimit prej SHBA-së, si shembull i “diplomacisë që vë shtetet në kurth, përmes borxheve”.

    Uashingtoni ka thënë se planet e Kinës kanë të bëjnë me projekte të paqëndrueshme dhe të pamundshme financiarisht për shumë vende, duke rënë kështu në kurthin e Pekinit.

    Nëse do të shkëputej, kontrata me Italinë ka pasur një pikë që parashihte vazhdim automatik të kontratës në mars të vitit të ardhshëm.

    Muaj më parë, Meloni e ka quajtur vendimin e Qeverisë paraprake si “gabim serioz” dhe ka dhënë shenja se synon të largohet prej iniciativës.

    Megjithatë, zyrtarë aktualë qeveritarë kanë thënë se synojnë të mbajnë marrëdhënie të mira me Kinën, pavarësisht vendimit.

    Vetëm një pjesë e investimeve 20 miliardë euroshe të Kinës janë materializuar në Itali.

    Vitin e kaluar, eksportet italiane në Kinë kanë kapur vlerën e 16.4 miliardë eurove, për dallim prej 13 miliardë eurove më 2019.

    Eksportet kineze në Itali janë rritur në 57.5 miliardë euro prej 31.7 miliardë eurove, në periudhën e njëjtë.

    Kina tregton edhe më shumë mallra me dy vendet tjera të Bashkimit Evropian, Francën dhe Gjermaninë, pavarësisht se këto dy vende nuk janë pjesë e iniciativës kineze./REL

    OFERTË për Black Friday, Festën e Flamurit dhe Pikën e Re në Petrol Company
    Nga Rubrika
    Bota/Rajoni26 Shkurt 2024
    Parlamenti i Hungarisë miratoi sot ofertën e Suedisë për t’u anëtarësuar në NATO, duke pastruar pengesën e fundit për vendin për t’u...
    Bota/Rajoni26 Shkurt 2024
    Teksa Shqipëria për pak ditë do të organizojë Samitin për Ukrainën, ministri i Punëve të Jashtme, Igli Hasani, në sesionin e 55...
    Bota/Rajoni26 Shkurt 2024
    Tirana do të jetë mikpritëse e dy samiteve më 28 dhe 29 shkurt. I pari do të mbahet të mërkurën e 28...
    Të tjera
    Lajme26 Shkurt 2024
    20 të rinj tjerë të komuniteteve Rom, Ashkali dhe Egjiptian përfunduan trajnimin mbi Edukimin Medial në kuadër të projektit “Luftimi i dezinformimit...
    Lajme26 Shkurt 2024
    Nënkryetarja e PDK-së, Vlora Çitaku, ka reaguar pas konfirmimit se përfaqësues të BQK-së do të marrin pjesë në takimin e nesërm në...
    Lajme26 Shkurt 2024
    Një burrë në Prizren ka raportuar se vetura e tij është vjedhur nga persona të panjohur. Por automjeti është gjetur i parkuar...
    Sport26 Shkurt 2024
    Fundjavën që shkoi, përfundoi xhiroja e 23-të e Bundesligas. Edhe pas kësaj jave, Bayer Leverkusen vazhdon të jetë lider. Leverkusen triumfoi përballë...
    Vip26 Shkurt 2024
    Si asnjëherë më parë në një studio televizive, Grida Duma ka rrëfyer për jetën personale e profesionale. Djali, siç thotë ajo, është...
    Vip26 Shkurt 2024
    Grida Duma është një prej grave që fuqishëm ka përkrahur gratë e tjera gjatë karrierës së saj politike, por edhe tash në...

    FrontOnline, © 2024 Të gjitha të drejtat e rezervuara.