×
  • Lajme
  • Lajme

    Ish-kolegu i Naim Murselit: Ishte tip imponues, përfshihej pa ftesë, Pacolli u shokua

    FrontOnline
    04 Dhjetor 2023

    Jetlir Zyberaj, këshilltar i Behgjet Pacollit ka treguar njohjen e ish-presidentit të Kosovës me Naim Murselin, i cili porositi vrasjen e gruas së tij, Liridona Ademajt, pak ditë më parë.

    Përmes një lidhjeje me Euronews Albania, Zymberaj tha se Naimi ishte tip që vetë-ofrohej dhe imponohej dhe lidhja e tij me Pacollin nisi në fushata elektorale, kur ai ishte ankuar te ish-presidenti për një sëmundje të rëndë që po kalonte.

    Zymberaj shtoi se Pacolli ka qenë i shokuar kur ka marrë vesh lajmin që Naimi ishte autor i vrasjes së gruas së tij, pasi sipas tij, ai kishte hyrje-dalje edhe në familjen e Pacollit dhe kontakte me fëmijët e tij.- Advertisement –

    “Ka qenë vitet 2008-2009 kur ne kemi qenë të angazhuar në fushata zgjedhore. Kush e njëh Pacollin, e di se çfarë qasje ka në raport me njerëzit, kryesisht me të rinjtë. Ky djali është afruar atëherë në fushatë zgjedhore dhe ka folur për brengën e tij për një sëmundje, duke kërkuar ndihmë, pasi ne e kemi edhe një fondacion”.

    “Kështu ka nisur njohja dhe pastaj ka kërkuar një vend pune, duke shpalosur aftësitë e tij në rrjetet sociale. Ai ka qenë pjesë e ekipit të Pacollit, por jo e ekipit të ngushtë të tij. Edhe mediat e kanë paraqitur si këshilltar, por çfarë këshillash mund të japë një 25 vjeçar”.

    “Ne të gjithë ishim të shokuar, sepse njërit prej bashëpunëtorëve tanë… Ne vetëm në Kosovë kami rreth 7 mijë bashkëpunëtorë. Të gjithë u ofruan atë natë. Njerëzit e ekipit tonë ishin në vendin e ngjarjes, për t’u solidarizuar. Ne kishim brenda një person që nuk dyshonim se ka kapacitetet që të prodhojë një akt të tillë kriminal. Pacolli ishte i shokuar. Pacolli dhe të gjithë ne ishim të shokuar, pasi ai si person kishte qasje edhe në familjen e zotit Pacolli, ishte futur në shtëpinë e Pacollit, kishte kontakte me fëmijët e Pacollit”.

    “Naimi ka qenë një person si karakter imponues. Është imponuar jo vetëm në rrethet politike, artistike, por edhe në ambiente të caktuara, ai edhe pa ftesë, shkonte atje e imponohej. Naimi ka marrë pagë mujore te ne, brenda realitetit ekonomik të Kosovës, nuk e di se çfarë pune ka bërë në Suedi, thoshte që i ka disa biznese. Ka marrë mbështetje edhe nga Pacolli për ato ide biznesi të vetat, thoshte që ka në Suedi një lokal familjar”, është shprehur Zymberaj.

    KEDS njofton për ndërprerje të rrymës për shkak të punimeve
    Nga Rubrika
    Lajme26 Shkurt 2024
    Kryetari i Deçanit, Bashkim Ramosaj, është shprehur i tronditur nga vdekja e 26 vjeçarit nga Deçani, i cili u godit për vdekje...
    Lajme26 Shkurt 2024
    Pasditen e së hënës, një vet-aksident ka ndodhur në Suharekë. Zëdhënësi i Policisë për Rajonin e Prizrenit, Shaqir Bytyqi tha për Front...
    Lajme26 Shkurt 2024
    Ish-deputeti i Lëvizjes Vetëvendosje Ismajl Kurteshi, ka thënë në emisionin Info Magazine se Rregullorja për dinarin është në përputhje me ligjin dhe...
    Të tjera
    Lajme26 Shkurt 2024
    Gjykata e Apelit ka vendosur që Enver Sekiraqa të rikthehet në arrest shtëpiak, dhe të mos qëndrojë më nën masën e paraqitjes...
    Bota/Rajoni26 Shkurt 2024
    Parlamenti i Hungarisë miratoi sot ofertën e Suedisë për t’u anëtarësuar në NATO, duke pastruar pengesën e fundit për vendin për t’u...
    Lajme26 Shkurt 2024
    Departamenti amerikan i Mbrojtjes ka njoftuar për vizitën e drejtorit kryesor për Politikat Europiane të NATO-s, Alton Buland në Kosovë. Departamenti amerikan...
    Lajme26 Shkurt 2024
    Ish-kryeministri i Kosovës, Avdullah Hoti, ka thënë se Qeveria ka pranuar që çështja e dinarit të diskutohet me Serbinë në Bruksel në...
    Sport26 Shkurt 2024
    Ballkani sot (e hënë) përmes një njoftimi në faqen e tyre zyrtare në Facebook, ka bërë të ditur se kanë vazhduar bashkëpunimin...
    Lajme26 Shkurt 2024
    Presidentja Vjosa Osmani, e cila po qëndron për vizitë në Katar, është pritur në takim nga Emiri i Katarit, Sheikh Tamim Bin...

    FrontOnline, © 2024 Të gjitha të drejtat e rezervuara.