Presidenti i Serbisë, Aleksandar Vuçiq, pretentoi t’i ketë parë duke fluturuar dronët e Kosovës “Bayraktar”.

Sipas tij kjo u bë për t’i vëzhguar lëvizjet e ushtrisë serbe.

Por, ish- eprori ushtarak Ismet Ibishi, tha në Info Magazine se deklaratat e kreut të shtetit serb bëhen për konsum të brendshëm.

Ibishi theksoi në Klan Kosova se dronët “Bayraktar” duhet të fluturojnë për ta monitoruar gjendjen e sigurisë.

“Ne në bashkëpunim me aleatët tanë jemi të informuar se çka ndodh andej, dhe përreth kufirit tonë, prandaj nuk duhet të shqetësohemi për deklaratat e Vuçiqit”, tha ai.