Interi e ka mundur me rezultat 0-3 skuadrën e Empolit, për të arritur të tre pikëshi i radhës në xhiron e 10 të Serie A të Italisë. Fratesi (50’, 67’) dhe Lautaro Martinez (79’) shënuan për Interin i cili ka 21 pikë, katër më pak se Napoli që është në vendin e parë

Interi ka arritur një fitore bindëse me rezultat 0-3 si mysafirë i Empolit, fitore kjo që vjen pas barazimit 4-4 me Juventusin në vikendin e javës së kaluar.

Mysafirët rrezikuan me Bastonin në minutën e 12 ku ai goditi topin me kokë nga pika e penalltisë. Goditja ishte drejt këndit të sipërm të portës por portieri i Empolit e priti këtë shanse.

Interi shënoi një gol në minutën e 19-të por ai u anuluan nga VAR pasi që më parë topi ishte prekur me dorë nga Matteo Darmian i Interit.

Empoli mbeti me një lojtar më pak kur arbitri Matteo Marchetti e ndëshkoi me karton të kuq Saba Goglichidze (Empoli) në minutën e 31-të.

Dy minuta më vonë Federico Dimarco (Inter) godet nga distanca, por portieri Devis Stiven Vasquez Llach bën një pritje të sigurt.

Në fund të pjesës së parë Lautaro Martinez (Inter) provon një goditje me kokë pas një krosimi nga këndi, por topi kalon ngushtë pranë shtyllës së djathtë. Shans i mirë, por pa rezultat.

Goli i parë për Interin erdhi në minutën e 50 dhe atë e shënoi Davide Frattesi, i cili pasi mori një top nga Matteo Darmian bëri një goditje të fuqishme në këndin e majtë të portës ku topi fillimisht preku shtyllën dhe mandej u fut në rrjetë.

Frattesi do të shënonte edhe golin e dytë në minutën e 67-të. Ai shfrytëzoi për mrekulli një kthim të topit, pasi sekonda me parë bashkëlojtari i tij Lautaro Martinez bëri një goditje me kokë të cilën e devijoi portier Devis Stiven Vasquez Llach.

Martinez e merr topin dhe e pason të Frattesi që shënoi golin e dytë për Interin.

Barella ishte kreator i aksionit që erdhi të goli i tretë ku ai pasoi të Lautaro Martinez i cili shënoi duke e plasuar topin në rrjetë në këndin e poshtëm të portës.

Empoli në javën e ardhshme përsëri do të luajë në shtëpi ku do të presë Comon më 4 nëntor , kurse Interi pret në San Siro skuadrën e Venezia më 3 nëntor. /GazetaExpress/