Front TV

Infektologu kosovar: Ekziston rreziku i rritjes së infektimeve pas fushatës zgjedhore

Infektologu kosovar: Ekziston rreziku i rritjes së infektimeve pas fushatës zgjedhore
19:52 | 11 Tetor 2021

Ka më tepër se 3 javë që po mbajnë tubime zgjedhore.

Organizime të tilla si këto me qytetarë ani pse në pandemi, partitë politike do të mund të bëjnë veç edhe pak ditë, deri më 15 tetor. Në këtë datë përfundon fushata zgjedhore 30 ditëshe për zgjedhjet komunale të sivjetme.

Por, ekziston rreziku që menjëherë pas saj të nisë shtimi i infektimeve me Covid-19.

“Ekziston rreziku që pas fushatës të kemi një ngritje të Covidit. Fushata kalon, por Covidi na mbetet. Covidi është prezentë. Është në popullatë edhe më tutje. I kemi të gjitha llojet e virusit në Kosovë përveç rasteve të variantit MU”, u shpreh Xhevat Demiri për “Front Online”.

Infektologu Demiri ka një apel për subjektet politike tash kur kanë mbetur edhe 4 ditë fushatë.

“Partitë duhet të jenë të përgjegjshme dhe ndërgjegjshme që të respektojnë rregullat. Ato duhet ta kenë distancën prej 2 metrave e po ashtu edhe maskën. Porosia është që të kihet kujdes maksimal sepse do të jetë gjobitja e madhe. Fushata kalon, por Covidi na mbetet”, vlerësoi ai për “Front Online”.

Partitë politike pak para se të niste zyrtarisht fushata kishin kërkuar publikisht shkurtimin e saj nga 30 në vetëm pesë ditë.

Kërkesa e tyre nuk u realizua meqë sipas KQZ-së në Ligjin për Zgjedhjet nuk parashihet një ndryshim i tillë.

Kush ështe kosovari THE VICTOR që synon tregun e jashtëm? (video)

Të tjera