Janë publikuar pamje të reja nga momenti kur ish-presidenti i Shqipërisë Ilir Meta u arrestua në komunikacion, pak minuta para se të mbërrinte në selinë e Partisë së Lirisë në Tiranë.
Meta po udhëtonte me veturën e tij, kur agjentë të Byrosë Kombëtare të Hetimit në bashkëpunim me forcat speciale të policisë e kanë ndaluar në afërsi të një qendre tregtare pranë Kthesës së Kamzës në Tiranë.
Pamjet e reja të publikuara nga TV Klan tregojnë Metën që refuzon të dalë nga vetura, ndërsa forcat e policisë e tërheqin jashtë me forcë.
Meta u arrestua me urdhër të Prokurorisë së Posaçme kundër Korrupsionit (SPAK).
Pritet që ai të mbërrijë në Drejtorinë Vendore të Policisë së Tiranës.
Meta ka qenë president, kryeministër, ministër i Jashtëm, ndërsa kishte mbajtur edhe poste të tjera të larta shtetërore në Shqipëri.