Një person është lënduar në vendin e tij të punës në Prizren.
Deri te lëndimi i tij ka ardhë si pasojë e erërave të forta ku janë shkëputur nga kulmi i një shtëpie disa panele solare.
I njëjti është dërguar në QKUK në gjendje të rëndë.
“Tranziti i vjetër, Prizren 06.06.2022 – 16:00. Si pasojë e erërave të forta janë shkëputur nga kulmi i një objekti disa panele solare të cilat e kanë goditur viktimën mashkull kosovar derisa ishte në vendin e tij të punës duke i shkaktuar kështu lëndime trupore. Viktima në gjendje të rëndë është dërguar për trajtim mjekësor në QKUK. Lidhur me rastin është njoftuar prokurori si dhe inspektorati i punës”, thuhet në raportin e Policisë./FrontOnline