Në Komisionin për Mbrojte dhe Siguri delegacioni nga Kosova, kryesuesi deputeti Driton Hyseni, e ka falënderuar shtetin e Bullgarisë për kontributin që po jep në misionin e NATOS-s në Kosovë.
”Dërgimi i me shumë trupave të Bullgarisë në kuadër të misionit të KFOR-it a është rrjedhoje në bazë të ndonjë analize të çështjeve të sigurisë, sidomos duke marrë për bazë influencën e Rusisë ne regjion, në Ballkanin Perëndimor”, ka thënë Hyseni, raporton RTKlive.
Ai ka thënë se Institucionet e Kosovës po punojnë me KFOR-in për avancimin e vlerave të përbashkëta që NATO ka.
Ndryshe në Sofje të Bullgarisë, prej sot, për tri ditë rresht do të mblidhet Asambleja Parlamentare e NATO-s, ku në agjendën e saj është edhe Kosova. Me këtë rast, Kuvendi i Kosovës synon ta avancojë statusin e tij nga anëtar vëzhgues në anëtar të asocuar.
Delegacioni nga Kuvendi i Kosovës është i pranishëm në këtë komision por gjatë ditës do të ketë edhe komisione të tjera ku do të prezantohen draft raporte edhe për Kosovën.
