Kreu i Partisë Demokratike të Kosovës, Enver Hoxhaj, ka kujtuar të rënët e Kaçanikut.
Përmes një postimi në Facebook, ai ka shkruar se me nder dhe krenari kujtojmë të gjithë ato gra e ata burra nga qyteti ynë i rezistencës e historisë, që refuzuan të nënshtrohen para një pushtuesi kriminal, duke mos kursyer as jetën e tyre për çlirimin e vendit.
Ky është postimi i tij i plotë:
“22 vite më parë, në Kaçanik, duke i dhënë goditjen e fundit armikut, në “Lagjen e Re” dhe në Rakoc ranë heroikisht 28 dëshmorë të kombit dhe 32 martirë. Sot, me nder dhe krenari kujtojmë të gjithë ato gra e ata burra nga qyteti ynë i rezistencës e historisë, që refuzuan të nënshtrohen para një pushtuesi kriminal, duke mos kursyer as jetën e tyre për çlirimin e vendit. Lavdi të përjetshme dëshmorëve dhe martirëve tanë”.
https://www.facebook.com/dr.enverhoxhaj/posts/3390966074338454