Kryeministri i Kosovës, Avdullah Hoti dhe ministri i Shëndetësisë, Armend Zemaj, kanë marr pjesë sot në Komitetin për koordinimin dhe vlerësimin e situatës emergjente me Coronavirus, raporton Front Online.

Pas këtij takimi të dy janë deklaruar për media, e ku kanë folur për luftimin, monitorimin dhe reagimin ndaj pandemisë Covid-19, raporton Front Online.

Teksa është pyetur lidhur me atë se a do të hapen lokalet e natës, ahengjet dhe pishinat, Hoti ka thënë që vështirë që do të ndodh një hapje e tillë.

“Para një jave plani jonë ka qenë që të hapen pishinat, lokalet e natës dhe ahengjet. Me situatën që kemi vështirë që do të vazhdojmë në atë drejtim”, ka thënë ai.

Përndryshe Kosova deri në këtë momente ka të regjistruara 2677 raste pozitive me Coronavirus. Prej tyre 1425 janë shëruar, teksa janë shënuar edhe 49 raste të vdekjes.

Prishtina është qyteti më i prekur nga Coronavirusi, me gjithsej 582 të infektuar, e pasuar nga Vushtrria me 322 raste pozitive, teksa komuna e tretë me më së shumti raste është Prizreni me gjithsej 282 sosh./Front Online/

https://www.facebook.com/FrontOnlineMedia/videos/289354732215070/