Kryetari i Komunës së Gjilanit Lutfi Haziri edhe një herë u ka bërë thirrje qytetarëve për kujdes dhe t’i zbatojnë rekomandimet kundër koronavirusit.
Ai ka treguar se që nga marsi kur në Kosovë u shënuan rastet e para me sëmundjen vdekjeprurëse nga kjo komunë kanë humbur jetën 48 persona.
Ndërkohë që janë në pritje të 103 mostrave sot u shënuan 20 raste të reja pozitive.
“Në ditën e 220 të përballjes me #COVID19 në Gjilan u shënuan 20 raste të reja pozitive. Brenda 7 muajve, gjendja e përgjithshme është kjo: 1147 të infektuar, 990 të shëruar, 109 raste aktive, 48 të vdekur, 14 në hospitalizim dhe 103 mostra në pritje”, shkroi Haziri në Facebook.
