×
  • Lajme
  • Lajme

    Haxhiu: Isha kundër takimit të Krasniqit me Kurtin

    FrontOnline
    29 Maj 2024

    Deputeti i PDK-së, Bekim Haxhiu, ka thënë se ishte kundër takimit mes shefit të partisë së tij, Memli Krasniqit dhe kryeministrit të Kosovës, Albin Kurtit.

    Ani pse ka qenë kundër, Haxhiu ka thënë se darka e ndërroi agjendën e partive politike, mediave dhe shoqërisë civile.

    “Personalisht kam qenë kundër për të shkuar në darkë me Albin Kurtin. Para kësaj iniciative mendimi im ka qenë që shefi i grupit parlamentar të PDK-së të flasë me Kryetarin e Kuvendit dhe jo me kryeministrin Kurti sepse ai ka dështuar ta sjellë ligjin për shëndetësinë, ligjin për sigurimet shëndetësore, me ligjin për barnat që ka kaluar në Kuvend, vetëm sa janë shtrenjtuar barnat”, ka thënë Haxhiu në emisionin DPT Te Fidani.

    Për tre vjet e gjysmë të qeverisjes së tij, sipas Haxhiut, nuk ka arritur ta sjellë në Kuvend strategjinë për shëndetësinë.

    “Kërkesa ime ka qenë që me Albin Kurtin të diskutohet në institucione dhe në mënyrë institucionale për çështje që janë në interes të shtetit të Kosovës. Kurti nuk ka lënë hapësirë që të ketë komunikim normal”, ka thënë deputeti i PDK-së.

    “Mirëpo mendoj se darka e ka dhënë një mesazh, këtu e ka një meritë kryetari i PDK-së, Memli Krasniqi sepse e ka ndryshuar agjendën e takimit. Nga ajo darkë tema ka qenë zgjedhjet. PDK-ja ua ofroi mundësinë dy partive të tjera opozitare që të ndërpritet kjo keqqeverisje duke shkuar në zgjedhje. Për fat të keq nuk pat ndonjë mbështetje që të sigurohen votat për shpërndarjen e Kuvendit”, ka thënë ai.

    Haxhiu ka shtuar se është e palogjikshme të pritet për dorëheqjen e Kurtit.

    “Duke e njohur Albin Kurtin se si ka ardhur në pushtet, duke u përgjakur rrugëve të Prishtinës, është goxha naive që të mendojmë se do të japë dorëheqje vetëm pse po ia kërkojnë partitë opozitare, është pak edhe e palogjikshme. Mirë që e bindëm ta shpërndajë Kuvendin sepse deputetët që i ka i binden 100 për qind”, ka thënë Haxhiu.

    Prince Caffe pjesëmarrës në panairin DUBAI EXPO 2021
    Nga Rubrika
    Lajme16 Qershor 2024
    olicia e Kosovës, ka demantuar shkrimet tendencioze dhe të pavërteta të publikuara në disa mediume kryesisht serbe, të cilat i referohen zyrës...
    Lajme15 Qershor 2024
    Analisti serb, Dushan Janiç, ka folur në lidhje me situatën në Ballkan dhe marrëdhëniet mes Kosovës dhe Serbisë. Në një intervistë për...
    Lajme15 Qershor 2024
    Vetëm disa ditë pas çlirimit të Prishtinës, ushtarët britanikë zbuluan disa dhoma torturash që ishin shfrytëzuar nga paramilitarët serb. Së bashku me...
    Të tjera
    Lajme15 Qershor 2024
    Shqipëria ka kaluar në avantazh ndaj Italisë në ndeshjen hapëse të tyre në Kampionatin Evropian 2024, e vlefshme për grupin B. Në...
    Lajme15 Qershor 2024
    Shtetet e Bashkuara dhe NATO-ja kanë qëndrime të ndryshme lidhur me përdorimin e armëve perëndimore nga Ukraina për të goditur objektiva ushtarake...
    Lajme15 Qershor 2024
    Drejtuesit e vendeve të G7 përfunduan takimin e nivelit të lartë me paralajmërimin më të fortë të bërë deri më tani Kinës,...
    Lajme15 Qershor 2024
    Presidentja e Kosovës, Vjosa Osmani në Samitin e Paqes për Ukrainën në Zvicër, është takuar me zëvendëspresidenten e Shteteve të Bashkuara, Kamala...
    Lajme15 Qershor 2024
    Presidentja e Kosovës, Vjosa Osmani në nisje të Samitit të Paqes për Ukrainën në Zvicër, është takuar me kancelarin gjerman, Olaf Scholz...
    Lajme15 Qershor 2024
    Zona që gjendet në afërsi të pikës kufitare Bërnjak në veri të Kosovës, 50 metra afër zonës administrative me Serbinë, e që...

    FrontOnline, © 2024 Të gjitha të drejtat e rezervuara.