Kryetari i AAK’së, Ramush Haradinaj, sot është takuar me ambasadorin e ri të BE’së në Kosovë, Aivo Orav, të cilit i ka uruar mirëseardhje.
Haradinaj ka shkruar se Kosova duhet t’i kthehet kursit të saj drejt integrimit euroatlantik.
“Sot, mirëprita në takim njoftues Ambasadorin e BE-së në Kosovë, z. Aivo Orav. Ambasadorit i urova mirëseardhje në vendin tonë, si dhe shpreha nevojën për avancimin e vendit tonë drejt integrimit në BE. Si Aleancë, konfirmova angazhimin tonë në agjendën integruese dhe përkrahjen e reformave të nevojshme që vendi ynë duhet t’i shtyej përpara. Theksova se, Kosova duhet t’i kthehet kursit të saj drejt integrimit euro-atlantik. Ky rrugëtim duhet të kulmojë me anëtarësim në NATO dhe BE”, ka shkruar Haradinaj.
