Ramush Haradinaj, kandidati për president nga radhët e AAK-së, është shprehur i lumtur për aderimin e Sami Ahmetaj, ish-kryetar i pikës në Dardani të Pejës dhe anëtar i Këshillit të Përgjithshëm të LVV-së në këtë parti.
Në një postim në Facebook, Haradinaj duke cituar fjalët e tij, thotë se Samiu pas 13 viteve besim në demagogji mashtruese, sot kaloi nga populizmi në politikë serioze e kombëtare.
“Me një Aleancë të fortë në Parlament dhe me mua si President i vendit, ne do të jemi kundërpeshë dhe të sigurojmë stabilitet dhe forcë për ta çuar Kosovën përpara së bashku”, ka shkruar në Facebook Haradinaj.
Tutje, Haradinaj tha se ashtu si Samiu, gjithnjë e më shumë qytetarë po na mbështesin, duke kuptuar se vendi ynë është në udhëkryq dhe Kosova ka nevojë për vepra të mëdha dhe jo vetëm fjalë të mëdha.#ForcaeKosovës
Ndryshe, Aleanca për Ardhmërinë e Kosovës, garon në zgjedhjet e 14 shkurtit me numrin rendor 135, me sloganin Forca e Kosovës.