Front TV

Hamza kritikon qasjen e dy Qeverive ndaj marrëveshjeve ndërkombëtare

Hamza kritikon qasjen e dy Qeverive ndaj marrëveshjeve ndërkombëtare
11:03 | 23 Qershor 2020

Shefi i Grupit Parlamentar të PDK-së, Bedri Hamza gjatë mbledhje së Kuvendit të Kosovës, e ka kritikuar Qeverinë “Hoti”, për ndërrimin me vendim të rregullës për deficit buxhetor. Sipas tij iniciativa e PDK-së, ka paraparë edhe ndihmën për sektorët që janë prekur nga pandemia Covid-19, raporton Front Online.

“Me fillimin e pandemisë dhe duke e kuptuar situatën që do të vjen dhe që e kemi kuptuar me kohë, PDK-ja, ka nisur dy iniciativa ligjore. Iniciativa e parë ka pasur të bëj me amandementimin e Ligjit për Menaxhimin e Financave Publike dhe përgjegjësitë sepse kemi qenë të sigurt që kemi ardhur në një pikë për ndërrimin e rregulla për deficit buxhetor dhe për bilancin bankar dhe kemi ardhur me Ligj të veçantë për adresimin e sfidave si për bizneset, të punësuarit në sektorin privat, pensionistët dhe të kategorive tjera sociale, komuniteteve dhe të tjerëve. Kemi kërkuar përkrahje nga pozita por nuk e kemi pasur”, ka thënë Hamza.

Sipas Hamzës ky propozim i PDK-së, nga Qeveria e kaluar është konsideruar si shantazh.

“Përgjigja është që kjo është shantazh dhe ne nuk e shantazhojmë askënd”, ka thënë tutje ai.

E ndryshimi i deficitit buxhetor me vendim, sipas Hamzës është në kundërshtim me Ligjin, raporton Front Online.

“Ka ardhur situate kur me vendim dhe jo në përputhje me Ligjin ndërrohet rregulla për deficitin buxhetor. Nuk është mirë që Ligji të ndërrohet me vendim”, ka deklaruar Hamza.

Deputeti i PDK-së, ka thënë se në rishikimin e buxhetit nuk janë paraparë as çështjet që janë adresuar për menaxhimin e situatës me Coronavirus.

“Në kuadër të rishikimit të buxhetit nuk janë as ato që I kemi paraparë ato që i kemi parë ne në adresimin e situatës ekonomike në menaxhimin e Covidit. As qeveria e kaluar, nuk I kanë pasur këto marrëveshje me prioritet”, ka pohuar Hamza.

E të gjitha këto, sipas Hamzës janë arsyet se pse kjo parti nuk ka votuar pro marrëveshjeve ndërkombëtare. /Front Online

https://www.facebook.com/FrontOnlineMedia/videos/314968459669576/?v=314968459669576&notif_id=1592833521189841&notif_t=live_video_explicit

Comodita në panairin M.O.W. po shijon takimet me biznese për mundësi shkëmbimi eksperiencash, rrjetëzimi dhe bashkëpunimi

Të tjera