Sonte në emisionin Contex të ATV-së po diskutohet për zhvillimet e fundit në vend, për situatën në veri dhe zërat se në Kosovë do të ketë luftë, shkruan Front Online.
Deputeti i pavarur i Kuvendit të Kosovës, Haki Abazi në përballje me analistët ka folur rreth deklaratave të fundit për luftë në vend.
Abazi ka thënë se Veriu është komplet në duart e lojërave të Beogardit dhe të Prishtinës, duke shtuar se deklaratat për luftë sjellin rrezik për tensionim të situatës në vend.
“Nuk është në favor të Kosovës me u tensionu situata, kjo ndikon tek invesitorët e huaj dhe tek mosardhja e diasporës në Kosovë”, është shprehur Abazi.
Lidhur me këtë, gazetari, Lavdim Hamidi ka thënë se ka pasur invesitorë të huaj që kanë kërkuar garanci nga presidetja Osmani që nuk do të ketë luftë në Kosovë.
“Zhvillimet në veri na kanë dëmtuar edhe në aspektin ekonomik edhe atë politik. Është e vërtet se asnjë invesitor i huaj nuk ka ardhur. Pas deklaratave të shpeshta të Kurtit dhe të Konjufcës për luftë, thuhet se ka pasur shumë invesitor të huaj qe kanë kërkuar nga presidentja garanci, që nuk do të ketë luftë në Kosovë, si dhe ka pasur dilema nëse do të ishte më e udhës, me u tërhek komplet prej investime në Kosovë”, ka thënë Hamidi.
