Një grup hakerësh pretendojnë se kanë arritur të hynë në sistemin bankar të Bankës Ekonomike. Madje, ata kanë publikuar edhe disa të dhëna të llogarive bankare të klientëve të kësaj banke, si dëshmi për sulmin kibernetik.
Hakerët ‘DoppelPaymer Ransomëare’ dyshohet se kanë lëshuar në publik të dhënat e bankës, ku përfshihen mbi 70 GB të dhëna transaksionesh financiare.
E gjitha ka ndodhur tre ditë më parë, derisa Banka Ekonomike nuk ka njoftuar ende për sulmin në fjalë.
Njoftimin për këtë, e ka dhënë edhe eksperti kosovar i sigurisë kibernetike, Mentor Hoxhaj.
“Mijëra te dhëna te qytetareve tani ne shitje ne black market! Dyshojmë se sulmi realizuar ne fund te muajit shkurt 2020! Gjersa sulmi be i ditur nga Medium dot com me 21 Prill 2020”, ka shkruar Hoxhaj në Facebook.
Sipas tij, ‘DopplePaymer Ransomëare’ janë të njohur për shenjëstrimin e korporatave të mëdha.
“Në këtë rast, ata hakuan Banken Ekonomike”, shkuar Hoxhaj, duke njoftuar tutje se “DopplePaymer ka publikuar të dhënat e bankës që përfshin mbi 70 GB te dhëna me transaksione financiare”.
“Ne kemi potencuar qe Bankat nuk po janë transparente sa i përket sulmeve te suksesshme nga hakeret! Duke mos respektuar me ketë raste legjislacionin ne fuqi, dhe standardet e sigurisë se informacionit!”, shkruan ai, pasi Banka Ekonomike ende nuk ka sqaruar rastin.
