Sot rreth orës 05:30 minuta është vjedhur bankomati i një banke në Prishtinë.
Hajnat për të kryer këtë vjedhje përdorën edhe eksploziv. E të njëjtit në ikje e sipër shtinë me armë zjarri në drejtim të rojes, që fatmirësisht ka shpëtuar pa lëndime.
Hajnat plaçkisin bankën BKT te rruga B në Prishtinë (VIDEO)
Krejt këto të dhëna i konfirmoi për Front Online, zëdhënësja e Policisë, Flora Ahmeti.
“Sot rreth orës 05:30, kemi pranuar informatën për një shpërthim në rrugën “B” në Prishtinë. Menjëherë pas marrjes së këtij informacioni strukturat rajonale për hetimin e krimit me një intensitet të shtuar kanë filluar ndërmarrjen e një varg veprimesh operative dhe hetimore.Mbështetur në rezultatet e para të grupit hetimor që po zhvillon hetimet lidhur me rastin në fjalë, dyshohet se një grabitje është realizuar duke dëmtuar një bankomat të një banke, me një mjet shpërthyes (eksploziv), nga disa perona rë dyshuar të cilët në ikje e sipër kanë shtënë me armëzjarri në drejtim të një personi (roje).Nuk raportohet për persona të lënduar.Derisa ekzaminimi po vazhdon në vendngjarje, hetuesit policor janë duke punuar në identifikimin dhe arrestimin e personave të dyshuar”, tha ajo.