Pentagoni është habitur nga zgjedhja e Donald Trump për ta bërë Sekretar të Mbrojtjes Pete Hagseth, një veteran i gardës kombëtare dhe prezantues i Fox News.

Hegseth ishte një major në gardën kombëtare të Minesotës, i cili shërbeu si roje burgu në kampin e burgimit të Gjirit të Guantanamos dhe shërbeu në Irak dhe Afganistan përpara se të bëhej një kritik i hapur i djathtë i ushtrisë.

Ai ka argumentuar për sigurimin më të shpejtë të më shumë armëve amerikane për Ukrainën për mbrojtjen e saj kundër Rusisë, por gjithashtu ka vënë në pikëpyetje anëtarësimin e SHBA-së në NATO. Emërimi i tij është gjithashtu një nxitje për të djathtën ekstreme në Izrael, pasi ai ka treguar mbështetje për zgjerimin territorial dhe ka sugjeruar që hebrenjtë mund të ndërtonin një tempull të ri në kompleksin e shenjtë rreth xhamisë al-Aksa në Jerusalem, i njohur për hebrenjtë si Mali i Tempullit.

Vendimi i Trump për ta përzgjedhur 44-vjeçarin Hegseth, një komentator i chatshow-it me përvojë minimale menaxheriale, për ta drejtuar institucionin ushtarak amerikan me 1.3 milionë anëtarë të shërbimit aktiv dhe rreth 1 milion staf civil, e ka habitur Kongresin dhe Pentagonin, shkruan The Guardian.

Demokrati Adam Smith tha se “ka arsye për shqetësim se ky nuk është një person që është një politikëbërës serioz, zbatues serioz i politikave, për ta bërë një punë të suksesshme”.