Mesfushori i Manchester Cityt, Kevin De Bruyne, pritet të kthehet së shpejti nga lëndimi.

Belgu e ka humbur ndeshjen e Premier League kundër Arsenalit të dielën. Tridhjetë e tre vjeçari u lëndua gjatë barazimit 0-0 me Interin në Champions League të mërkurën. City pret Watfordin nga Championship (kategoria e dytë) në raundin e tretë të Carabao Cup të martën dhe më pas udhëton për në Newcastle United në Premier League këtë fundjavë.

“Nuk mendoj se do të mungojë gjatë”, ka thënë trajneri Pep Guardiola lidhur me rikthimin e De Bruyne. “Nuk mund të them për sa kohë, nuk e di për Newcastle, por nuk do të zgjasë shumë”.

De Bruyne ishte jashtë për katër muaj sezonin e kaluar, por qe rikthyer me gol në fitoren 3-2 ndaj Newcastle në St James’ Park në janar.

City aktualisht kryeson tabelën e Premier League me trembëdhjetë pikë pas pesë ndeshjeve./RTK