Një grabitje me armë zjarri ka ndodhur sot rreth orës 10:30 në një filial bankë në lagjen Dardanian ë Prishtinë.

Policia ka njoftuar se me të marrë informacionin kanë dalë në vendin e ngjarjes, ku thuhet se dyshohet që grabitja të jetë kryer nga një person i armatosur.

Lajmin për FrontOnline e ka konfirmuar, zëdhënësi i Policisë së Kosovës për rajonin e Prishtinës, Agron Borovci.

“Rreth orës 10:30 është raportuar për një grabitje të ndodhur në filialin e një institucioni financiar për transferta ndërkombëtare në kryqëzimin e rrugëve “Edmond Hoxha” dhe “Hajrullah Abdullahu” në Prishtinë . Pas marrjes së informacionit policia ka dalë në vendngjarje dhe bazuar në informacionet e para dyshohet që grabitja të jetë kryer nga një person i cili po ashtu dyshohet të ketë qenë i armatosur. Policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit”, tha Borovci./FrontOnline/