Në grabitjen që ka ndodhur sot në njërën nga bankat e kryeqytetit është raportuar se roja i bankës në fjalë është sulmuar.
Por, këtë gjë e ka mohuar njëra nga kompanitë në Kosovë, e cila ka sqaruar se e vërteta qëndron se është sulmuar vetura e komanisë ‘ Delta Securyty’, transmeton Front Online
Sqarimi i plotë
SQARIM PËR OPINIONIN
Të nderuar qytetarë, klientë dhe bashkëpunëtorë,
Sot në mjetet e informimit si dhe në njoftimin e publikuar nga Policia e Kosovës, rreth rastit të grabitjës së një filiale të një banke në Prishtinë, respektivisht në rrugën B, rast ky i cili ka ndodhur sot në orët e hershme të mëngjesit, është dhënë lajmi se: “është sulmuar me armë zjarri roja i objektit”. Andaj, për hir të informimit të saktë të opinionit dëshirojmë të ju informojmë se ka pasur një keqinformim në këtë rast, sepse në rastin në fjale nuk ka pasur të bëj me rojën e objektit, por bëhet fjalë për ekipin patrullues të Delta Security. Ekipi Patrullues i Delta Security, ka intervenuar në alarmin i cili është aktivizuar në lokalin afër filiales së bankës. Alarmi ky i cili është aktivizuar për shkak të shpërthimit. Pasi që është aktivizuar alarmi, ekipi patrullues ka arritur në vendngjarje për një kohë shumë të shkurtër. Ndërkohë, në filialen e bankës ka qenë duke u zhvilluar grabitja dhe personat e dyshimtë të armatosur kanë shtënë me armë në drejtim të veturës së ekipit patrullues të Delta Security, me ç’rast është goditur vetura me disa predha.
Fatmirësisht nga ky akt kriminal nuk ka të lënduar, përveç dëmëve materiale që janë shkaktuar nga plumbat e armës së grabitësve të cilët kanë shtënë në drejtim të veturës së kompanisë Delta Security. Urojmë që raste të tilla të mos përseritën, që të mos rrezikohet personeli i sigurisë në kryerjën e detyrës.
Me respekt, Delta Security
