Shefi i zyrës për Kosovën në qeverinë e Serbisë, Marko Gjuriq ka folur për serbët e prekurit me Covid 19 në Kosovë.

Në një raport të përditshëm për situatën në Kosovë, Gjuriqi tha se janë dy raste të reja të infeksionit me koronavirus të cilat janë regjistruar në komunitetet me shumicë serbe, dhe katër pacientë që janë shëruar. Ai tha se ilaçe, ushqim dhe pajisje mbrojtëse u janë shpërndarë qytetarëve.

Sipas tij, dy persona të porsa sëmurë janë nga Mitrovicës dhe Leposaviqi, se dhe deri më tani, gjithsej 104 njerëz janë sëmurë në komunitetet serbe, ndërsa 60 raste janë shëruar dhe tetë kanë vdekur.

“Të sëmurit janë nga Mitrovica (42), Zveçani (24), Leposaviq (17), Zubin Potoku (21). Ndërsa pacientët janë akomoduar në KBC Kosovska Mitrovica (10), Qendra Studentore Kosovska Mitrovica (24), CC Kragujevac (2)”, tha ai.

Ai tha se në komunën e Gjilanit, Kamenicës, Vushtrrisë dhe Zveçanit kanë filluar dhe shpërndarjen e barnave esenciale dhe ushqim për qytetarët.

“Në Leposaviq, ne me sukses u jemi përgjigjur 179 kërkesave për blerjen e barnave dhe ushqimit dhe i dezinfektuam institucionet publike në komunën e Novobërdës. Në Graçanicë, sot u siguruam bukë 50 familjeve”, tha Gjuriq në një raport të përditshëm të postuar në Instagram.