Siç raportohet djali i presidentit po shikonte një ndeshje futbolli në shoqëri me huliganë, në qendër të Beogradit, para orës dhjetë të mbrëmjes.

Vidojeviqi përballet me një proces gjyqësor për shkak të demolimit të klubit të natës “Komitet”, ndërsa në evidencë të policisë është i regjistruar si anëtar i klanit malazias Kavaç.

Gazetarja kishte vënë re se përveç Vidojeviqit, në shoqëri me djalin e Vuçiqit ndodhej edhe Nemanja Sreqkoviq, i quajtur Kurta, një tjetër anëtar me zë i këtij grupi huliganësh.

Gazetarja i kishte fotografuar përmes vitrinës përballë, shkruan Krik, transmeton Koha.net. Por nuk kishte mbetur e pavënë re. Atë e kishin ndalur ndërkohë tre persona, meshkuj, që i ishin prezantuar si persona zyrtarë. Edhe kjo kishte treguar librezën e gazetares, mewgjithatë i kishin thënë se duhej të shoqërohej në polici. Ndërkohë i kanë kërkuar të fshijë fotografitë, meqë “mund të kesh probleme”. Atyre u ishin bashkuar edhe dy persona, por që nuk dukeshin si policë.

Gazetarja kishte treguar se është në detyrë dhe kishte kërkuar të thërriste redaktorin, por njëri nga shoqëruesit ia kishte rrëmbyer telefonin, ndërsa kishte refuzuar të sqaronte pse po vepronte kështu, meqë “jam civil”.

Ndërkohë gazetares i ishin afruar Vidojeviqi e Sreqkoviqi (dy huliganët në zë), kurse Vidojeviqi kishte urdhëruar t’i kthehej telefoni.

Krik ka kërkuar sqarime dhe masa nga Ministria e Brendshme për atë që i kishte ndodhur gazetares.

Klanet Kavaç dhe Shkalar njihen për lidhjet me krimin dhe nëntokën ballkanike – vrasjet, lidhjet me policinë dhe kreun e shtetit, rikujton Koha.net.

Marko Gjuriqi, drejtori i Zyrës për Kosovën në Qeverinë e Serbisë, rastin e ka cilësuar si “sulm” ndaj presidentit Vuçiq tani në prag të zgjedhjeve.