Një person ka vdekur dhe 23  të tjerë janë duke u trajtuar për Coronavirus nga Komuna e Vushtrrisë.

Për gjendjen e tyre shëndetësore për portalin Front Online, ka folur drejtori i Shëndetësisë në këtë komunë, Sylejman Meholli.

Ai tha se gjendja e të prekurve me Coronavirus në këtë komunë është e mirë.

“Gjendja shëndetësore është e mirë, në Infektivë po trajtohet vetëm një rast, të tjerët në shtëpi”, tha ai për Front Online.

Meholli tha se në komunën e Vushtrrisë nuk ka raste tjera të dyshuara për Coronavirus.

“Aktualisht nuk kemi raste te tjera te dyshimta për Covid-19”, tha ai për Front Online.

Numri i të prekurve nga Coronavirusi në Kosovë ka shkuar në 589 raste, prej tyre 123 të shëruar dhe 16 persona të vdekur./Front Online/